PUBG Game Ruangah Hringtu A Nu A That

Uttar Pradesh, Lucknow khawpi ih um mino kum 16 mi in PUBG game ruangah hringtu a nu cu a pai meithal in a kap that.

Tleirawl kum 16 mi cu PUBG game atchilhtu a si, a nu kum 40 mi in kan dung zarhpisun ah lek nawn lo dingin a kham ruangah a thinheng tuk ih a pai meithal, license nei in a lu ah a kap. A pa cu ralkap ṭuan lai a si ih West Bengal ah ralkap ṭuan in aum.

A nu a that laiah a farnu kum 10 khal an inn sungah aum ve, a farnu cu a hringhro ih midang hnenah relsuak lo dingin a cah. A nui ruak cu an innsung ah a thup ih innsung rimhmuiter nak in a kap, a nui ruak cu an innsung ah ni 2 sung a thup.

A nu a that hnuah an inn ah a rualpi pawl a ko ih party an tuah, a nu cu sungkhat inn ah a leng’ a ti. Ni 2 hnu ahcun a thiltuahmi rapthlak zet cu a langsuak, an innhnen pawlin thilrim sia tuk an theih ruangah a pa cu an phone ih an sim thei.

A pa in tualsung palik pawl hnenah a sim thei ih palik pawlin an va zohdik cu mithi ruak an hmu. Palik bawi in, “Mino kum 16 mi hi PUBG game atchilhtu a si. A nu in game lek nawn lo dingin a kham ṭheu, curuangah a that thu a phuangaw” a ti.