Puithiam Cu Baptism A Pek Laiah Ṭongkam Diklo A Hmang Ruangah Rawngbawlnak Ihsin A Suak

Arizona ih Catholic puithiam cu Baptism a pek laiah a ṭongkam hmanmi a diklo ti an theisuak, kum 25 sung puithiam hna a ṭuan zo.

A hnen ih Baptism latu pawl cu nan umnak puithiam hnenah Baptism rak lasal uh’ tin theihternak an tuah. A ṭongkam hmanmi cu “Ka” tinak dingah “Kan” tin a hman ruangah a Baptism pekmi cu cohlang a si lo, a nung lo an ti.

Baptism pek tikah “Pa le Fapa le Thlarau Thianghlim in baptisma ‘ka’ lo pe tinak dingah ‘Kan’ tin arak hmang ṭheu.

Puithiam Father Andres khalin mipi hnenah ngaithiam a dil ih a puithiam sinak ihsin a suak. Baptism hi cu thil thupi zet a si ih ṭongkam pakhat te khal hmangsual ahcun cohlang a si lo tin an tarlang.

Be the first to comment

Leave a Reply

Your email address will not be published.


*