Puithiam In Aungbali Number A Sim Ih ‘Na Poh Ngah Ding’ A Ti, A Poh Ngah Lo Ruangah Puithiam Cu A That

December 12, 2021 zing ah India, Uttar Pradesh temple kiangah puithiam ruak an sar ih a lu ah hliamhma a tuar ruangah mi kuttuar ih thi ti an thei ih zingzoinak an tuah hngal. Puithiam ih hmin cu Ramdas Giri ti a si ih a lu ah thil pakhat khat ih vuaknak hliamhma nasa zet an hmu.

Nihnih hnuah puithiam thattu pacang kum 56 mi Mohammad Jishan cu tualsung palik pawlin an kai ih a thatnak san cu puithiam in arak simmi aungbali number a diklo ruangah ti a phuangaw. Palik in thuhla an theihdan in puithiam in mi tampi hnenah aungbali number arak sim ṭheu ih a dik thei zet an ti.

Pacang Jishan in puithiam thuhla a theih veten aungbali lei ve dingin ava leng ih laksawng ah Rs 51,000 le phone Rs 21,000 man a pe. Puithiam in a theihnak hmangin a lei ding mi aungbali number cu a sim thei ih ‘Rs 5 lakhs man rori in lei hngal aw’ a ti.

Pacang Jishan cu lungawi tuk ih a tlung ih an inn le lo zuar in aungbali cu ava lei, asinan aungbali a suah tikah cun a sunmang zaten an hloral thluh, a poh ngah lo. Aungbali number simtu puithiam hnenah ava feh lohli ih thu an sutawk hnuah ṭongkam an el’aw ciamco ih Jishan cu a thinheng sosang tuk supaw thei nawn loin puithiam cu a vuak that.

Pailk pawlin CCTV le kiangkap um mipi pawl ih simnak zarah tualthattu cu an kai lohli thei ih tualthat thubuai an orhter hnuah thawnginn sungah an hruailut.

Be the first to comment

Leave a Reply

Your email address will not be published.


*