Puithiam In Nau Thlaknak Siizung Ah Thla Ava Cam Ih An Rak Kai

Leitlun ramdang dangah nau thlak an siang rero zo, cuti rualrual in nau thlak cu a ṭha lo tin rak dodaltu pawlkom khal an um.

June 5 sun ah puithiam kum 51 mi Fr. Fidelis Moscinski le a kuthnuai nunau 3 cu Ohio khawpi ih nau thlaknak siizung sungah an va lut. Nunau 3 in siizung sungih um nau thlak tum pawl hnenah nau thlak a ṭha lo thu ngannak card te an zem vivo.

Fr. Fidelis Moscinski cu thlacamnak anei ih siizung hnaṭuantu pawlin suak dingin an ti, an suak duh lo asilen palik kan ko ding an ti. An suak duh cuang lo ruangah palik pawl an ko ih an zaten an kai.

Mi ramsung ah daan lo ih lut timi thubuai an orhter ih thiam lo an co asilen thlakhat sung thawng an tla ding. Red Rose Rescue pawlkom ih um an si ih siizung hmaiah duhphorhnak an rak nei ṭheu.

Red Rose Rescue in “Tuisun ih kan rawngbawlnak Cuyahoga Falls, Ohio. Mithatnak innpi ah rawngbawlnak kan va nei ih kan rawngbawlpi 4 an kai. An suah lohli theinak dingah thlacamnak in rak bawm cio uh’ tin an tarlang.

Be the first to comment

Leave a Reply

Your email address will not be published.


*