Puk Thim Zet Sungah An Va Lut Ih Uico An Hmu, Uico Hi Thla 2 Lenglo A Hlo Zo

US, Perry County kiangih um puk sungah zingzoinak an nei. The Moore Cave timi puk cu US ramsung ah puk saubik 23-nak a si. Puk sung cu a thim tuk.

Puk sungah tidai a luang ih ngate, tisung ngan phunphun an um. Cutin puk sungah zingzoinak an tuah rero laiah uico an hmu thutthi ih an lau tuk.

Uico ih harhdamnak cu a ṭha lo, uico in arak ṭih lo ih ṭhaten an lasuak thei. Feet 500 hrawngih sau ah an lasuak thei, uico cu a neitu hnenah an pe ih a neitu in ‘June 9 ihsin a hlo zo. A hlo lanta dingah kan ruat’ a ti.

Ziangtin puk sungah thla 2 lenglo a nungkhuasuak thei ti cu an thei lo. Uico cu khuaeng a hmu ih a lungawi tuk. US ramsung ah kumtinten rannung 10 million hrawng an hlo ṭheu. 23% cu an hmu nawn lo, a neitu hnenah an kirsal nawn lo.

Be the first to comment

Leave a Reply

Your email address will not be published.


*