Pum Sungih Um Lai Naute In Himi Thil (6) An Duh Bik

Nauhak thuhla zingzoitu pawlin nauhak cu pum sungih an um lai ihsin nunsim ding an ti. Pum sungih um naute in duhmi thil (6) an nei, thla 9 sung rori nui pum sungah an rak um ih lenglam khawvel ih thilthleng pawl hi an hmu ve thei lo nan an rak theithei.

(1) Thil Thlum An Ngaina: Pum sungih um naute in thil thlum an ngaina, naupai lai ahhin thil ei cakmi phunphun na nei men thei nan na pum sungih um naute in thil thlum hi a duhbik. Na taksa ih hiarmi kha na pum sungih um naute ih hiarmi a si cuang lo, na taksa cahnak dingah na hiarmi pawl cu ei ko awla na pum sungih ummi naute hrang khalah thil thlum (ice cream tivek…) ei uar aw.

(2) Takkolh: Pum sungih um naute in takkolh hi an rak ngaina in nuam an ti thei zet. Takkolh tik khalah tidai hlum thawn takkolh hi an ngaina cuang, tidai hlum tuk lo, malte hlum (warm water) thawn takkolh hi an duhbik mi a si.

(3) Nemten Tham: Na pum khal nemten, dimten tham ṭheu aw. Na pum sungih um naute in arak feel ve thei ih nemten tham rero hi nuam an ti tuk.

(4) Nui Aw: Zarh 18 an kim tikah cun a hna hi a ṭha zo. Cun an theih hmaisabik mi aw cu nui aw a si. Ziangtik lai caan khalah nui aw hi an thei duh ringring, curuangah na pum sungih um naute kha be ṭheu awla Pathian thu tla sim ṭheu aw.

(5) Awnmawi (Music): Pum sungih um naute in awnmawi music hi an ngaina zet. Awnmawi khalah awnmawi nem (soft music) hi an duh cuang, awnmawi hnok ruiri tivek cu an duh lo ih an hrangah a ṭha lo. Curuangah na pum sungih um naute kha Pathian thangṭhatnak zaihlai mawi tivek ngaiter ṭheu awla a harhdamnak khal a ṭha ding.

(6) Nui Hni Aw: Pum sungih um naute ih an duhbik mi cu sunghno nui hni aw theih hi a si. Nui hni aw an theih tikah an thisen fehdan a ṭha ih an taksa hrang khalah siivai ṭhabik a si tin zingzoitu pawlin an phuang. Curuangah nau na pailai ahcun lungawi in hni tum ringring aw, thinharnak thuhla lam hi ruat tamtuk duh hlah. Na hni tam asilen na pum sungih um naute khal lungawi in a damṭha vivo ding.

Be the first to comment

Leave a Reply

Your email address will not be published.


*