Putar Kum 76 Mi Cu Kiosa Vekin A Cak Lai >>>

Combodia putar kum 76 mi San Kim Sean cu a kum a tam zet zo nan kiosa vanglai vekin a cakvak lai. Amah hi hlanlai Bokator a si, Bokator timi cu hlanlai doawknak ih misualtu, misual thiam pawl an si.

An misual dan kuat cu Thailand Ong Bak vek a si. 1975–1979 kum ah an ramsung ah Communist Party of Kampuchea (CPK) thlisia a hrang ciamco ih mipi pawl an nuai. Bokator ralkap pawl khal that cimit thluh an tum. An ramsung ah Bokator sualawk dan zir an siang nawn lo ih Bokator pawl cu hmun, ram dangdang ah an tlan.

San Kim Sean khal sahimnak hawlin a tlan vivo ih US ram a thleng. An ram cu Vietnam pawlin an ukbet, San Kim Sean cu USA ramsung ah aum ringring ih Houston, Texas, Long Beach le California ah Bokator kuat a zirh hai. Mirang mino pawl cu an ram Combadia sualawkdan a zirh ih an uar zet.

1992 kum ah an ram uktu khal midang a si zo ti a theih ruangah an ram ah ava tlungsal. An mino pawlin Bokator thiamthil cu an rak thei nawn lo ruangah cozah hnenah kuatzirhnak ong dingin a dil ih an rak cohlang.

Bokator arak ṭuanpi pawl a hawlsal ih a hmu nan amah vek an si nawn lo, an tarcak nawn lo thluh ih hleiah Bokator zirh cu an ngam thiṭha nawn lo. An cozah in kuatzir a siang hnu ihsin Combodia mino pawl hnenah hlanlai an pupa pawl ih Bokator cu a nungter sal. San Kim Sean cu a hminthang zet ih Cambodia Bokator Federation le Cambodia Bokator Academy dinsuaktu khal a si.

Be the first to comment

Leave a Reply

Your email address will not be published.


*