Putar Kum 80 Mi Cu Daileng Dingin Ava Feh Ih Ralhrang Pawlin An Rak Kap That

Mon State, Kyaikto Township, Moke Pa Lin khua ih um putar kum 80 luan zo pakhat cu November 27, 2021 zingpit ah daileng dingin ava feh ih ralhrang pawlin an rak kap that thu theih a si.

Zing nazi 2:00 hrawngah daileng dingin ava feh cu ramlak ih duty ralhrang in arak kap that. Tualsung mi pakhat in, “An umnak hi hmuan sung vek deuh a si ih ekinn an nei lo.

An daileng duh asilen ramlak ah an va feh áš­heu, kan pu hi datmei thawn a poksuak ih ralhrang in arak kap that. A hmun ah a thi cih, tuizing ah a ruak kan vuiliam ih a ruak vui thuhla khal ralhrang pawlin midang theihter tuk lo dingin in fial” a ti.

November 25 sun ah an umnak kiangkap ah bomb veihnih a puak ih ralhrang 2 an thi, hliamtuar 4 an um ruangah ralhrang pawl cu sunzan in an duty ringring.

Be the first to comment

Leave a Reply

Your email address will not be published.


*