Putar Pakhat Cu A Fanu 2 Rualban Lo Hrang Nitinten Ei Le In A Hawl Ṭheu

Philippines, Negros Oriental ramlak ah innsang pakhat an rak um, innsang harsa zet an si ih meisa khal an nei lo. Fanu 2 an nei ih vanduai thlak zetin rualban lo an si ih an feh thei lo.

Innsang nubik in a thihsan ih putar Tatay Arunting khal tarcak nawn lo a si. Asinan a fanu 2 hrangah nitinten kianghrol thawn a poksuak ṭheu, tlang sang zetzet a kai ih khuasung ah ava feh.

Cutin, kut a dawt ih a ngahmi sumsaw in ei le in ding a lei. Frances Baena timi pa in an thuhla a zingzoi ih an umnak ah ava feh, an dinhmun sia zet a hmu ih a zangfak tuk ruangah online parah a tarlang.

Online mipi pawl khalin an zangfak tuk ih bawmnak an pek hnuah khuasung ah inn pakhat an saksak. Cun, kutdawt ṭul nawn lo dingin bawmnak khal an pe cih. Thu an sutnak ah Tatay Arunting in “Ziangvek dinhmun ih kan um asikhallen fale pawl kilkhawi cu nulepa ih ṭuanvo a si” a ti.

Be the first to comment

Leave a Reply

Your email address will not be published.


*