Putar Pakhat Cu Rawl Khal Ei Thiam Loin Euro 2020 Bawlung Sit A Zoh, Asinan FIFA Game An Lekmi Men Arak Zoh Ngah

Tulai hi UEFA Euro 2020 cup bawlung an sit rero lai. July 8 zanah England le Denmark bawlung an sit ih online ihsin an rak zoh celcel.

Canada, Toronto khawpi ih um putar pakhat khal Euro 2020 bawlung sit a zoh tum ih a zohsual, FIFA game an lekmi men cu thungai thlakin arak zoh kuahko. Rawl khal a ei thiam lo, bawlung sit a zoh lai ahcun a tang tuk ruangah a au rero.

A innsang pawl hnenah half-time ah rawl ka ei ding a ti, minute 45 a kim ih half-time a si. A tang tuk ruangah cabuai khalah rawl ava ei thiam lo ih a fanu in a tonak ah rawl ava pe.

Cutikah a fanu in a pai zohmi cu Euro 2020 bawlung sit a si lo ih mi game lekmi men ti a thei cu mak a ti tuk. “Himi maw na zoh ringring” tin a sut ih “Aw” a ti, a fanu cu a hnisuak tuk ih a supaw thei lo in a hni ciamco.

“Minung pawl khi a lem ti na theithiam lo maw” tin a simfiang ih UEFA Euro 2020 cup cu a hawlsak. A ngaingai ahcun England in 2-1 in Denmark cu an neh, putar ih a zohmi ahcun Denmark in 12-1 an sit goal zo.

Be the first to comment

Leave a Reply

Your email address will not be published.


*