Yangon lamzin kap ah putar pakhat in thil a zuar ṭheu. Kiangkap ih um pawlin “zing ihsin thil a zuar thok ih khuathim zik, zanlam tiang a zuar nan khong lo caan khal a nei tam zet ding” an ti.
Mino pakhat in a lainat tuk ruangah a thilzuar mi zaten leisak a tum ih putar in ‘Valte, ka zuar dingah malte ret awla’ arak ti. Mino in “a thluak a kim lo deuh a si men ding. A innsang pawlin an dawisuak thu in sim thei. A thilzuar mi zaten lei a siang lo. Ka pu, a zaten ka lei duh ka ti rero hnu lawngah a siang” a ti.
A thilzuar mi cu meitalh pakhat ah Ks. 500, battery bawmkhat ah Ks. 2000 le SuperGlue card khat ah Ks. 2000 in a zuar.
Mino in, “A thil zuarmi zaten man kan tuat ih 15,000Ks a si, asinan 50,000 Ks ka pe ih ‘a dik tiaw, sumpai ka lo khirh ṭullo tiaw a ti hnuah a bags sungah a ret. Sumpai ka pe tam sawn ti khal a theithiam lo, lungawi zeten a fehliam. Nan rak hmu asilen nan theitawk in bawm hram uh” a ti.
Leave a Reply