Putin Cu Ramdang Ah A Tlawng, A Ek Cu An Ram Ah An Tlunpi Sal

Kum 69 mi Russia president Vladimir Putin hi a fimkhur thei zet, ramdang hruaitu pawl thawn meeting an neih tik khalah cabuai cemnak ah amahten a to ṭheu. Midang kiangah a to duh lo.

Ramdang a tlawng tikah bulpak ekinn a keng ringring, a ek le zun cu a kuthnuai ih hnaṭuantu pawlin ṭha zetin bawm sungah an ret ih an ram ah an tlunpi sal ṭheu. Hitin an tuahnak a san cu ramdang pawlin a ek le zun ihsin a harhdamnak thuhla an rak zingzoi pang ding ti an phang ruangah a si.

Putin hi tulai ah a harhdamnak a ṭha lo zet. Cancer le taksa ṭhia natnak a nei, a mit khal a ṭha nawn lo, Mitkharh bun a ṭul tuk nan mitkharh bun cu cahlonak ciikhat ah a ruat ih a bun duh lo. A harhdamnak a ṭha nawn lo ruangah siibawi in kum 3 sung lawng na nungdam ding a ti thu cu a thupten a putsuak.

France le Saudi Arabia ram a tlawng tum ah a ek thawh lai cu a kuthnuai mithiam pawlin an kil thepthep. Ekinn sung a lut hlanah a kuthnuai mithiam pawlin ekinn sung le a kiangkap hrawng cu an va zohdik thluh ta hnuah an kil thepthep. Ek a thawh thluh hnuah a ek cu an fun ṭha ih bawm sungah an ret, a ek cu an ram ah an tlunpi sal ṭheu. A tlawnnak ram ah sulhnu zianghman a tan dah lo.

Be the first to comment

Leave a Reply

Your email address will not be published.


*