Putin Ih Hmei (Fala) Cu Nau A Hring Hnuah A Hlo Verver

Russia president Putin ih hmei (fala) hi tuini tiang aumnak an thei nawn lo. Nunau kum 38 mi Alina Kabaeva cu Russia rampi aiawh in sport ah a tel ṭheu, leitlun ih Gymnasts lekthiam bik an timi a si ih World Championship ah laksawng vei 14 a ngah, European Championship ah 21 laksawng arak ngah zo.

Putin thawn kum reipi sung an kopaw, Putin khal sport ngaina zettu a si ih nikhat ah nazi 2 sung cu taksa cangvaihnak a nei ṭheu. October 2018 ah Alina in faphir a neih thu mipi pawl a theihter ih cumi hnu ihsin a hlo verver. A thi maw, a nungdam lai ti khal theih a si lo.

Russia president Putin hi nupi neilo pathlawi a si, a nupi hlun thawn fanu pahnih an nei. Putin hi thuthup nei zet a si vekin fanu pahnih a neih thuhla khal a relsuak dah lo ih media pawlin an pholang sak. A fala Alina thuhla khal an ramsung media cahmai ah an tarlang ngam lo.

2008 kum ah Moscow thuthang picang pakhat in ‘Alina cu Putin ih hmei a si’ tin an tarlang ruangah an thuthang media cu tuini tiang hlonhlo sak a si. Putin in, “Ahlan ah hringnun dang ka nei ih va tibuai ka duh lo. Ṭihzah upat ding a si” a ti.

Be the first to comment

Leave a Reply

Your email address will not be published.


*