Putin In Ukraine President Thawn Rem Zu Intlang Dingin A Lungkim

Russia president Putin in Ukraine president Zelensky thawn tongaw in remawknak thuhla reltlang dingin a lungkim thlang. Russia ralkap pawlin Ukraine nauhak tlawnginn le cinema hmunpi cu bomb in an va puah hnuah leitlun mipi pawlin Putin cu leitlun huap thuṭhennak ah hremnak pe dingin thubuai an thehlut.

Cumi hnuah Putin in Ukraine president tong dingin le remawknak thuhla reltlang dingin a lungkim thu BBC thuthang sungah an tarlang. Ziangtik ah an tongaw ding ti cu an tarlang hrih lo, an tonawknak ding hmun cu zoi lam khal ih um/tang lo neutral ram ah a si ding.

Ukraine president in ziang thuhla hman a suah hrih lo, Russia le Uraine ram an buai hnuah an palai pawl cu neutral ram ah an tongaw ṭheu nan remawknak an tuah thei dah lo. Russia in ‘Nan meithal, ralthuam pawl ret uhla NATO ah um tum nawn hlah uh’ tin an dil ih Ukraine khalin, ‘Ukraine ram suahsan uh’ an ti ve, meithal ret cu an tum lo.

An zalennak hi midang kutsung ah an pe tum lo. Ukraine president Zelensky in Putin thawn tongaw dingin arak sawm ringring nan Putin in a duh dah lo, tuiṭum ahcun a lungkim thlang. An thurel tummi ah an hlawhtling kem maw ti cu theih a si hrih lo.

Be the first to comment

Leave a Reply

Your email address will not be published.


*