Putin Thurawn Petu Hlun In, “Putin Ih Cangvaihnak Rak Khamdan Cu Thil Pakhat Lawng Aum” A Ti

President Putin ih thupeknak vekin Russia ralkap pawlin Ukraine ram cu la dingin an va siim ciamco. Leitlun mithiam pawlin Putin cu ‘A thluak fehdan a dik nawn lo, a hlan vek a si lo ih a hni thei nawn lo. A me ringring, thinlung lam buainak nasa zet anei si ding” an ti.

Ṭhenkhat in, “Cancer dam thei nawn lo a neih ruangah a khuaruahnak khal a dik thei nawn lo” an ti. Asinan, Putin thurawn petu hlun Andrei Illarionov in, “Putin hi a aa lo, a khuaruahnak khal a dik thluh lai. Putin hi thuruat thuk zet mi a si, a thiltuahmi hi a theifiang thluh ih a zohdik rero lai, ramdang pawlin a sumdawngnak ah hremnak nan pek ruangah a cangvaihnak hi nan kham thei cuang lo ding.

Putin cangvaihnak kham theitu cu thil pakhat lawng aum, cumi cu Ukraine mipi pawlin thih leh thih tin an rak do ve nak hi a si. Ukraine mipi pawlin an nunnak thapin an rak do ve asilen Putin in a nor vivo nawn lo ding” a ti.

Andrei cu 2000 ihsin 2005 tiang Putin thurawn petu arak si. Kum tampi sung ramdang pawlin Putin ih sumdawngnak phunphun an rak phitsak zo nan amahten a cangvai suak ringring, Putin in awlsamten ram fate Ukraine hi lak a tum nan tualsung mipi pawlin an rak do ve ciamco ruangah tuini tiang an la thei hrih lo.

Be the first to comment

Leave a Reply

Your email address will not be published.


*