Pya Leik Khua Ahcun Hmin Aptu Tlawngta Nauhak Le Hmin Cazin Latu Saya/Sayama An Um Lo

Myanmar ralkap pawlin June 1, 2021 ihsin nauhak pawl tlawng an kai thlang ding, tlawnginn zaten an ong thlang ding tin thu an rak than zo. Myanmar rampum huap ih tlawnginn zaten ṭimtuah aw cia dingin theihternak an tuah.

Tuisun May 24 ihsin tlawngta nauhak pawl cu hmin ap theih ti a si. Asinan, Irrawaddy Division, Moulmein Kyun Township, Pya Leik khua ih cozah tlawnginn ahcun hmin aptu tlawngta nauhak an um lo.

Hmin aptu tlawngta nauhak an um lo lawng siloin hmin cazin rak latu ding tlawng saya/sayama pawl khal an um cuang lo. An zaten CDM ah an lut thluh, an khuasung nauhak upa zaten lamzawhnak ah an tel ih ‘Ralkap kuthnuai ah tlawng kan kai duh lo, sal fimthiamnak zir kan duh lo’ tin tlawnginn hmaiah duhphorhnak an nei.

Ralkap in June 1, 2021 ihsin Myanmar rampum huap tlawnginn zaten an ong tum nan tlawngkai dingih hmin pe tlawngta nauhak an um ngutngat hrih lo.

Be the first to comment

Leave a Reply

Your email address will not be published.


*