Pyidawta Ah Bing Tham An Tam, Khuatlang Mino Pawlkom In “PDF In An Lo Kap Asilen Kan Lo Humhim Zik Lo” An Ti

Kalaymyo ramsung Pyidawta khuasung ah bing var zuartu le leitu an pung ciamco, langpau zetin an tham ruangah Zomi Youth Association (ZYA) in PDF in an lo kap that asilen kan lo humhim zik lo tin ralrinnak thu an suah.

Pyidawta khua sungah bing var zuartu inn 40 an um, bing var thamtu minung 400 hrawng an um. Pyidawta ZYA in “Pyidawta khua sungah bing zuar pawl an langpau in an huai deuhdeuh. Zohman in hremnak an pe lo, zohman in cozah hnenah hminsiat tuar in an hek duh lo ruangah zalen zetin le langpau zetin an cangvai.

Curuangah khuasung bike, fangfai, ar, vok, sumpai le thilṭha pawl an hlo tampi zo. Bing ruangih thi khal an tam zet zo. PDF pawl hmangin Pathian ih hremnak an tuar ding caan a thleng. PDF pawlin bing zuartu le thamtu pawl an ti cimit ding thu an rak phuang zo.

Ahlan khalah MANA pawlkom in khuasung ah ritheihsii hlo dingin cangvaihnak an rak nei zo nan thuhla a phunphun ruangah an hlawhtling lo. Bing var zuar ruangah khua ihsin dawisuak nan tuar, kahthat nan tuar asile zohman mawhthluk hlah uh. Pyidawta ZYA in kan lo humhim zik lo” tin an tarlang. (#Zalen)

Be the first to comment

Leave a Reply

Your email address will not be published.


*