Pyidawtha Doawknak Ah PDF-Kalay 3 Ih Nunnak Liam

Mani April 12, 2022 zinglam nazi 9:00 hrawngah PDF-Kalay tatzin (3) sakhan cu ralhrang 150 hrawngin an va siim. Ralhrang pawlin catbang loin ralthuam picang an kap ciamco.

PDF (Kalay) pawl khalin sakhan cu humhim tum in an rak kap ve nan ralthuam hmanmi a thlauawk tuk ruangah PDF pawlin sakhan cu an suahsan. An doawknak ah PDF (Kalay) thawn tangtlang ပ.က.ဖ pakhat ih nunnak a liam.

Ralhrang pawlin PDF (Kalay) sakhan kiangkap ih bomb kammi pawl an pal puak ruangah ralhrang tam zet an thih thu PDF (Kalay) in an phuang.

Tuisun April 13 ah PDF-Kalay, Zomi PDF, PDA, CNDF, CDM (Siyin) le ပ.က.ဖ pawl tangtlang in ralhrang pawl thawn Pyidawtha khuasung ah an kapaw. Ralhrang pawl cu mipum 300 hrawng an si. An doawknak ah PDF-Kalay 3 ih nunnak a liam, amal bik ralhrang 5 cu an thi ding.

Be the first to comment

Leave a Reply

Your email address will not be published.


*