Rakhine Ram Ah Cozah Hnaṭuan Hminthang An That

Rakhine State, Maungdaw khawpi, ahmat 1th vengsung ih um Ko Tun Tun Naing cu December 22, 2021 simlam ah zo ti theih lo pawlin an that. Simlam ah inn ihsin a suak ih a tlung nawn lo, a thaizing nazi 3:00 hrawngah a ruak cu an hmu.

Ahmat 3th veng lal in, “Mithi cu leiram lawng buaipitu General Secretary ṭuanlai a si. A nu in sumpai ting 3 baktu anei, mizan ah a nu in sumpai cu ava hlamter.

Leiba hlam dingin a poksuak ih ara tlung nawn lo, zingpit nazi 3:00 hrawngah thicia in an hmu, a hngawng ah nam in an at. A ruak cu siizung ah an phur ih an zohdik rero lai” a ti. Media pawlin a ruak thuhla thei dingin siizung lam cu an phone ih siizung ṭuanvo neitu in, “Zinglam nazi 8:00 hrawngah mipa mithi ruak pakhat an rung ret.

Asinan ka hnenah report ara lut hrih lo ih a thuhla cipciar in ka thei hrih lo” arak ti. Ko Tun Tun Naing hi kum 30 mi a si ih leiram lawng thuhla ah tualsung General Secretary ṭuanlai a si.

Be the first to comment

Leave a Reply

Your email address will not be published.


*