Rakhine Ram Ah Mipa Pakhat In An Innhnen Tleirawl Kumkim Lo Cu A Bum Ih A Pawngsual

Rakhine State, Paukdaw khua, no. (1) veng sungih um tleirawl kum 18 kim hrih lo cu December 2, 2021 sundir ah an innhnen mipa kum 26 mi in a pawngsual thu theih a si.

Innhnen aw an si ih an nel’aw zet, mipawlsualtu tei in an inn ah dawr khante an ong ih cutawk ah thil an va lei áš­heu. Tleirawl ih pu in, “Ka fanu thawn hmuk an va lei, an inn cu an luhsuahnak a si. Innhnen aw kan si ih an va lutsuak ringring.

Kum 26 mi in ‘Na tlangval in phone in a lo be duh, na be duh asilen hngak lawk aw’ a ti. A rualnu ka fanu in a tlunsan ih amahten phone call cu a hngak. Culaiah an inn sangka a khar ih a pawngsual” a ti. Himi thilthleng thuhla ah an veng lal U Lu Gyi Maung khalin thudik a si a ti.

An veng lal in, “Kan veng sungah pawngsualnak a thleng, simlam nazi 4:00 hrawngah thuhla in sim thei” a ti. Tleirawl kumkim lo sualpitu cu tualsung hriamkai AA pawlin an kai zo, tuahmawh tong innsang lamin a phutawk hremnak pe hai seh ti an duh thu an rel.

Be the first to comment

Leave a Reply

Your email address will not be published.


*