Rakhine Ram Ih Sai Piang Cu Ralhrang Pawlin ‘Sai Var’ Tin An Nenhnget

Rakhine State, Taungkot ramlak ah sai danglam a piang. July 23, 2022 zinglam nazi 6:40 ah saipi Za Nang Hla in fate a nei, sai fate hi a pa a si. Saipi Za Nang Hla cu kum 33 a kim zo. Sai fate cu ralhrang pawlin an zohdik rero hnuah ‘saivar’ a si tin August 2 sun ah an nenhnget.

Saivar pianphung an timi 8 lakak himi sai fate in pianphung 7 a nei an ti. Saivar pianphung an timi ṭhenkhat cu ‘a mit hi Pearl color a si.

A zangtluan hi banhla kung vek a si, a hmul a var, a mei zim cu sangka kharhmi vekin aum, a vun a tial, a vun cu Pink color, a ke hmailam ah kezung 5 aum ih a dunglam ke ah kezung 4 aum, a hna a tum…tipawl a si.

Himi saivar an timi cu a suah tikah 180 pounds in a rit, ni 10 hnuah 190 pounds in a rit man. Sai fate le a nu cu an harhdamnak a ṭha ih nuam zetin ramlak ah an tlangleng.

Myanmar ramsung ah saivar an timi sai 9 an rak um zo ih tuiṭum ih sai fate lawngin saivar pianphung 8 lakah 7 tiang bangnak a nei, a dang saivar an timi pawl cu saivar pianphung 8 lakah pianphung 6 lawng an keng.

Be the first to comment

Leave a Reply

Your email address will not be published.


*