Rakhine Ramsung Ahcun Nauhak Pawl Tlawng An Kai Hluahhlo

Myanmar ralkap pawlin June 1, 2021 ihsin rampum huap nauhak pawl tlawng an kai ding an ti. State tam sawn ahcun nauhak tlawngkai an um lemlo, asinan Rakhine ramsung ahcun nauhak pawl tlawng an kai hluahhlo.

An ram fimthiamnak hotu Dr. Tun Tun Thein in “Tlawng ong ni June 1 ah nauhak tlawngkai 358,931 zat an um, 100% percent zikte tlawng an kai” a ti. Covid-19 thlisia a hrangsal ruangah Covid-19 lak ih tlanlen dan ding daan le dun tuah in nauhak pawl cu tlawng an kai.

Myebon khua ih middle-school zirhtu in “Tlawngta pawlin Covid-19 daan le dun khal an thlun tuk lo. Tulai boruak a hlum tuk ruangah tlawngta le zirtu pawlin mask khal kan bun lo. Mipi in Covid-19 an ṭih lo ih ziangah an siar lo a si bik” a ti.

Rakhine nauhak pawl tlawng an kai hluahhlo ruangah state dang pawlin an soisel celcel. Rakhine khawpi Sittwe khua ih um nu pakhat Daw Htay Htay San in “Ramsung buainak ruangah State dang ih um pawl cu tlawng an kai thei lo ih kan lo seherh zet. Nan ruahnak kan lo theithiampi ih kan ruahnak khal in theithiampi ve a ṭul.

Kan fale pawl tlawng kan kaiter ruangah in relsia hlah uh. Myanmar ralkap le Arakan Army (AA) pawl an doawk ruangah 2018 in November 2020 tiang Rakhine nauhak pawl tlawng an kai thei lo, Covid-19 ruangah nikum sung khal tlawng an kai thei lo” a ti.

AA chief, Major General Tun Myat Naing in April thla ah “Rakhine ramsung ah lamzawhnak le CDM tuah a ṭullo, a duh lo thu arak rel zo. Rakhine ramsung ah tlawnginn 3,309 zat aum ih tlawnginn 128 cu an khua sungah ralkap le AA pawl an doawk ruangah tlawng an kai thei lo.

Be the first to comment

Leave a Reply

Your email address will not be published.


*