Ral In A Pasal Ralkap An That Hnuah A Pasal Keneh Thlun In Ralkap Ah A Lut

February 18, 2019 ah India ralkap Major Dhoundiyal cu ral pawlin an that. Jammu le Kashmir ah Pakistan hel pawl thawn an doaw ih ram hrangah a nun a hlan, lamzin ah ral pawlin bomb an rak kam ih ralkap 40 an thi.

India ram riahsiat ni a si, Major Dhoundiyal cu nupi nei pekte a si ih an neihawknak khal thla 9 lawng a si. Ruahsur lakah vuinak caanserh an tuah ih a ruang parah a nupi Nikita Kaul cu a ṭap, a ṭah lai video in India mipi pawl lungzur in a ṭapter thluh.

Major Dhoundiyal ih ruang vuinak ah an ramhruaitu pawl khal an va telve. Nikita Kaul cu a pasal zunngai in a ṭap ringring men lo ih a pasal keneh thlun in ralkap ah a lut sawn, a pasal in a thihsan hnu thla 6-nak ah ralkap ah a lut ih training a kai rero hnu May 29, 2021 ah Indian Army a ṭuan thok thlang ding.

A pasal ruang parah Nikita Kaul in “Ka lo suang tuk, ram hrangih nunnak hlantu pasalṭha na si. Ka pasal na sinak vekin upatnak ka lo pe. Ka thaw a cem hlanlo ka lo duhdawt ding, in liamsan cu tuar thiam a har tuk nan ka kiangah na um ringring ti ka thei” tin ṭap phah in a rel.

Be the first to comment

Leave a Reply

Your email address will not be published.


*