Ralbawi Cu CDM A Tuah Ih Meithal, Sui Le Sumpai Pawl A Tlanpi Hnuah Ralhrang Pawlin An Kai

Sagaing ramkulh, Yinmarpin Township, Myoma Police Station ih ralbawi cu CDM a tuah ih meithal, sui le sumpai thawn a tlanhlo.

August 20, 2021 ah sui pikta 12 le hrek, sumpai ting 500 le BA 63 meithal pakhat thawn a tlan ih Yinmarpin-PDF sakhan ah CDM tuah in aum. Thla 4 hnu December 31 zan ah ralhrang pawlin a innsang pawl thawn an kaih thu theih a si.

Ṭuanvo neitu pakhat in, “Yinmarpin palik sakhan ihsin tlansuak ralbawi pakhat cu ralhrang pawlin Ingapu khua ah kumthar zingah an kai thu kan thei. A kutsung ah meithel le thilri zianghman aum lo” a ti.

Ralbawi cu ramlak ih aum hnuah a innsang pawl thawn an va tongaw ih cutawk ah ralhrang pawlin an rak kai, ṭuanvo neitu pawlin a thuhla cu an zingzoi rero lai nan zianghman an theithei hrih lo.

Be the first to comment

Leave a Reply

Your email address will not be published.


*