Palik Bawi Ih Dungthluntu In Ralkap Lut Thar A Kap That

Ayeyarwady, Maubin khua ih um palik bawi inn ah meithal awn an thei ih ralkap pakhat a thi. Palik bawi in dungthluntu/kiltu 2 anei ringring.

March 12 zan ah a dungthluntu pakhat le ralkap lut thar cu ṭongkam an el’aw ih a dungthluntu in ralkap cu a kap that. Ralkap lut thar cu tlangval kum 20 mi Min Min Htet a si ih Maubin, ahmat (6) vengsung ih um a si.

Palik bawi dungthluntu in meithal in veithum a kap ih a hmun ah a thi, palik bawi in an inn ih thilthleng thuhla ah zianghman a relsuak hrih lo. Zuk: Ralkap thu Min Min Htet