Ralbawi In Fala Nau A Raih Hnuah A Kuthnuai Ralkap Thawn A Neihawkter, Ralkap Cu A Tlanhlo

Ralbawi pakhat in raltlan fala a itpi ṭheu ih nau a pai, a thilsual tuahmi cu a thup tum ruangah a kuthnuai ralkap hnenah fala hi nupi ah nei aw’ a ti.

Ralkap in a nei duh lo ruangah sakhan ihsin a tlansuak ih tualsung mipi ralkap Triple Two Task Force pawlin ralkap cu an rak kai. Yinmabin District, Pale pengsung ih raltlan camp pakhat cu ralhrang pawlin humhimnak ah tin an kil.

Cutawk ih raltlan fala cu ralbawi in arak itpi ṭheu ih nau a pai, a naupai cu thla 3 a kim. Curuangah a kuthnuai ih ralkap cu nupi nei dingin a nor, nupi ih a neih lo asilen kut a thlak tum ruangah ralkap cu August 8, 2022 ah sakhan ihsin a tlansuak.

Triple Two Task Force ih ṭuanvo neitu in, “Hmunram zingzoinak kan tuah laiah kan kai ngah. Meithal, ralthuam cu a keng lo, a thuhla kan sutfiah ih a phuang aw, ralbawi in fala nau a raih ih nupi ah nei dingin a fial. A nei lo asilen hremnak a pe tum ruangah a tlansuak. Ralkap in nupi ding fala dang a neih thu a rel, ralkap cu sakhan ah ṭhaten kan kilkhawi” a ti.

Be the first to comment

Leave a Reply

Your email address will not be published.


*