Ralbawi Le Hotu In Ralkap Pawl Ei Le In Leinak Ding Sumpai Ting 600 An Tlanhlohpi

Shan State, Namkham Township, Mantat khua ih umhmun khuar ralbawi le captain in ralkap sumpai an tlanhlohpi. Col. Raza Min le captain Aung San Oo cu sakhan kaihruaitu an si. April 20, 2022 ah thlakhat hrang sumpai an va suah ih an tlanhlo, thlakhat hrang an ei le in man ah ting 600 an suah ṭheu.

Khuitawk hmun ah an tlan ti an thei hrih lo ih an hawl rero lai. Tualsung mi pakhat in, “An pahnih in CDM tuah an si lo, thlakhat hrang sumpai an va suah ih an tlanhlo. Khuitawk ah an tlanhlo ti kan thei hrih lo, himi sakhan hrangah thlakhat ah ting 600 an suah ṭheu” a ti.

Ralhrang pawl lak khalah hmuhthiam awklonak phunphun a thleng ṭheu ih ṭhenkhat cu CDM tuah cuang loin an tlanhlo, ṭhenkhat cu an tlanhlo hnuah CDM an tuah ih dothlennak ah an tel. April 4, 2022 khalah Nam Khay khua ih umhmun khuar ralhrang 4 cu an tlansuak ih hmunhimnak ah an um zo.

Be the first to comment

Leave a Reply

Your email address will not be published.


*