Ralbawi Nupi Le Ralkap 5 An Kap That

October 17, 2021 sunday simlam nazi 5:00 hrawngah mipi kilhimtu pawlin ralbawi nupi le ralkap 5 an kap that.

Mon State, Kyaikto Township, Zalon khua ih umhmun khuar ralkap sakhan LIB 598 ih ralkap pawl cu khua sungah tlakrawh an va lei ih an tlung lamah mipi kilhimtu KNLA pawlin lamzin kap ah an rak bawh.

Cutin an rinlo laitak ah an kap ciamco ih an motor cu lamzin kap ah a let. Motor sungih um zaten an thi thluh, mithi lakah ralbawi picang zet ih nupi a tel. Motor mawngtu ralkap khal a thi, ralkap thi lakah ralbawipi lieutenant colonel Kyaw Tun Aung khal a tel thu KNLA in an phuang.

Ralkap pawlin himi thuhla an theih veten LIB 207 le LIB 598 sakhan ih um ralkap pawl an komaw ih hmunram thianfainak an nei.

Be the first to comment

Leave a Reply

Your email address will not be published.


*