Ralbawi Nupi Thawn Ṭongkam An El’awk Ruangah Nufa Thum An Kai, “Hlawhhlang Nufa Thum” An Ti

Shan State, Mankan khua ah ralbawi nupi thawn ṭongkam an elawk ruangah nufa thum cu ralhrang pawlin an kai. February 20, 2022 ah an khuasung khohsuai dawr ah ralbawi nupi le fala kum 24 mi cu ṭongkam an el’aw ciamco.

Ralbawi nupi in a pasal hnenah a sim thei ih February 24 ah an nufa thum in an kai. An hmin cu Daw Kham Pan (kum 49) le a faphir kum 24 mi Myint May Aung le Myint Myat Aung an si.

Mithmutu in, “Ralhrang pawlin innsung ih um zaten ra suak thluh uh’ an ti. An innhmai ah ralkap pawl tam zet an um, hlawhhlang nufa thum tin khuk an bilter. Nan tlansuak tum asilen meithal in kan lo kap that ding tin an hringhro, kedam khal an bun man lo.

A fapa cu arak tlansuak man. An hmai ah an beng, an sit. An vuakvel nasa tuk ruangah an ṭap, an ṭah ruangah meithal veikhat an hmetpuak. Innsang nubik khal a pum ah napin an sit” a ti. Ralhrang pawlin sakhan ah an hruai, an bike pakhat khal an laksak.

Ralhrang pawlin hlawhhlang thubuai in taza kan lo suai ding tin an hringhro. Ralhrang kutsung ah an um lai ih ziangvek thubuai in an kai ti cu theih a si lo.

Be the first to comment

Leave a Reply

Your email address will not be published.


*