Ralbawi Sungkhat An That Ruangah Pyu Saw Htee (7) An Kai

Ralhrang pawlin an kuthnuai ih cangvai an naule Pyu Saw Htee (7) an kai. Sagaing, Kanbalu District, Kyunhla khua ih um Pyu Saw Htee (7) cu July 5 sun nazi 12:00 hrawngah ralhrang pawlin an va kai, ralhrang pawl cu motor tumpi pathum in an poksuak.

An kaihmi pawl cu Pyu Saw Htee hruaitu Nga Nye, Thein Lwin, Yan Pai Soe, Thein Zaw, Min Min Oo, Thubaraza le Min Niang pawl an si. June 29 sun ah Pyu Saw Htee pawlin Padaukpin khua ih um fangrialnak cet neitu Ko Min Min cu an that.

An thah mi Ko Min Min ih unau (cousin) pahnih Capt. Nyan Lin Aung le sakhan bawi Hay Man Soe cu an lungawi lo tuk ih an thupeknak in Pyu Saw Htee (7) cu an va kai. Tualsung mi pakhat in, “Khuasung hnawmbal an thianfai si ko. An kai zo ih ziangvek hremnak an pe ding ti cu kan thei lo.

Zovek khal an silen ralhrang pawlin anmah hnaihnoktu cu an zuah dah lo. Palik le ralhrang pawl an buai tik khalah palik pawlin an tuar sawn, an kaihmi Pyu Saw Htee (7) cu thusutnak hmunpi ah an hruai. Anmah le mah thawng an thlak maw, an that asikhallen a poi lo” a ti.

Be the first to comment

Leave a Reply

Your email address will not be published.


*