Ralhang Pawlin Laksawng An Pek Mi Nu Cu An Kil Ringring

Irrawaddy, Kyangon khua, Sap Kwin vengsung ih um nunau Khin La Pyae Wun cu dalan picang a si ih USDP Party ruhkol khal a si. PDF pawl ih cangvaihnak thuhla cu ralhrang hnenah arak sim ṭheu, amai hohanak in PDF 2 an kaih ruangah ralhrang pawlin January 11, 2022 sun ah ting 30 cu laksawng ah an pe.

January 10, 2022 zan ah an vengsung ih um Thiha Zaw Electronics Shop ah mino pahnih in bomb an deng puak. Khin La Pyae Wun ih hohanak in USDP party pawl thawn mino 2 cu an kai ngah ih an vel ciamco. Khin La Pyae Wun in PDF 2 an kaih thu cu online parah a tarlang.

Tualsung mi pakhat in, “Khin La Pyae Wun cu USDP party ruhkol a si ih ralhrang pawl hnenah thuthup sim ṭheutu dalan a si. Vengsung mipi pawl an au ciamco ruangah ka va zoh ve ih mino 2 cu an rak vaw, an vel ciamco. USDP party le ralhrang lamtang pawlin an vel ciamco ih an thi zik te. Mino 2 an kaih thei ruangah ralhrang pawlin puai an tuahsak ih laksawng ah ting 30 an pe” a ti.

Cumi hnuah Khin La Pyae Wun cu ralhrang pawlin an kil ringring, an inn kiangkap ah ralhrang le an lamtang minung 20 hrawng cu sunzan in an duty. Tualsung mi pakhat in, “Kyangon khua cu dalan khua a si, an khua lut/suahnak ah ralhrang 10 le ralhrang lamtang pawl cu an duty ringring.

An khua ih um dalan pawl hi nunsimtu ding an um lo maw si ding langpau zetin an tlanlen rero lai. Ralhrang pawlin dalan ṭuan pawl cu misenpi hmuh ah laksawng an pe ṭheu” a ti. Irrawaddy ramsung ah ralhrang pawl an tam zet ih an lamtang pawl hnenah langpau zetin laksawng an pe ṭheu. Ralhrang lamtang pawlin PDF si lo khal an rinhlelmi pawl cu thudik loin an hek ih an kaihmi khal an um hnuaihni zo.

Be the first to comment

Leave a Reply

Your email address will not be published.


*