Ralhrang An Sualaw Ih Pakhat Cu Nam Dawtnak In A Thi

Magway peng, Aunglan Township, Ywama Htone khua ah ralhrang pawl ṭongkam an el’aw ih an sualawk ruangah thatawknak a thleng.

April 13 sun ah ti tawih puai an lawm ih ralbawi le a kuthnuai ralkap pakhat cu an hmuthiam aw lo ruangah ralbawi in a that. Ti tawih puai ah zu an ri tuk ih an lam ciamconak ah ṭongkam el’awknak a thleng, ralbawi Aung Moe in a kuthnuai ralkap Shaw Hmat Aung cu nam in a dawt that.

Tualsung mi in, “Ti tawih puai hmuak ni ah ṭongkam an el’aw ih an sualaw, kiangkap um pawlin an ṭhen. Ralbawi cu a thinheng tuk ih an tlunlam ah nam in veithum a dawt” a ti.

Shaw Hmat Aung cu ralkap siizung ah an phur nan lamlak ah a thisen suak tamtuk ruangah a thi, ralbawi khal an kai ih ralkap daan le dun thawn thuṭhen dingin an hrentang lai. (Zuk: mithi ralkap)

Be the first to comment

Leave a Reply

Your email address will not be published.


*