Ralhrang Hotu Ih Naunu 2 Cu Ralhrang Pawlin An Kai

Sagaing ramkulh, Chaung-U khua ih um U Kyaw Zin Thant cu ralhrang pawl hotu captain ṭuanlai a si. Ralhrang pawlin a farnu 2 cu an kai ih PDF pawl nan bawm tin thubuai an orhter.

A farnu Ma Su Su Zaw le Ma Thaw Thaw Han cu university tlawng kailai an si ih January 25, 2022 zan ah ralhrang pawlin an kai. Hmin tarlang duh lo tualsung mi pakhat in, “January 24 sun ah ralhrang pawl cu motor thawn an ra ih an inn sangka an sutsiat hnuah innsung ah an lut.

Inn ah an rak um lo, a thaisun January 25 zan ah an ra sal ih an kai. An upa khalin tuisun lawngah an thuhla a thei ih a lau tuk. U Kyaw Zin Thant cu a duty laiah bomb in an rak puah zo, hliamhma nasa zet a tuar. Siizung ah an tuamhlawm rero hnuah a damṭha sal ih Thayet khua ah duty in aum” a ti.

Ma Su Su Zaw le Ma Thaw Thaw Han cu ralhrang pawlin PDF pawl nan bawm tin pukmah 50 hmangin thubuai an orhter ih an innsang pawlin an tong thei lo.

Be the first to comment

Leave a Reply

Your email address will not be published.


*