Ralhrang In A Lu An Tan Ih An Urkang, Uico In A Sa An Rak Ei

January 16, 2022 ah ralhrang pawl cu Sagaing, Paluthar khua sungah an va lut ciamco ih inn le lo an siatsuah hnuah khuasung mi 6 an kai. Man Kyi Gone khuami U Maung Nyunt khal an kai ih ramlak ah an hruai vivo, ramlak ah nasa zetin an hrem ciamco hnuah a lu an sat tan ih a taksa cu an urkang.

An kaihmi dang 5 cu an innsang lakah PDF áš­uan an um lo tin an suahsal, U Maung Nyunt thih thuhla cu khuasung mipi pawlin an thei nan ramlak ah ralhrang pawl an um lai ruangah an va zingzoi lohli ngam lo ih January 24 lawng ah a ruhro pawl an va la.

Tualsung mi pakhat in, “Ralhrang le Pyu Saw Htee pawl cu Paluthar khua ah an va lut ih khuasung mi 6 an kai. Man Kyi Gone khuami U Maung Nyunt khal an kai, U Maung Nyunt cu Man Kyi Gone khuami a si ih Paluthar khua ah aum. An kaihmi Paluthar khuami pakhat in ‘a farnu cu PDF ah aum’ a ti ruangah ralhrang pawlin nasa zetin an hrem ciamco ih an that. Midang cu an suahsal” a ti.

January 24 ah U Maung Nyunt ih ruhro cu ramtawi pawlin an hmu ih uico pawlin an rak ei ruangah a ruhro malte lawng a tang ih hmun dangdang ah a darh. A vaidip le a kedam pakhat lawng an hmu ih a vaidip le kedam ihsin amah a si ti an nenhnget.

Be the first to comment

Leave a Reply

Your email address will not be published.


*