Ralhrang In A Nupi An Kai Ih Beidong In A Awkaw That

Ralhrang pawlin an kaihmi cu nasa zetin an hrem ṭheu, an puahcok ṭheu ruangah an tantami innsang cu thinhar mangbang in an um. Irrawaddy peng, Ngapye Ma khua ih um pacang kum 60 mi cu ralhrang pawlin a nupi an kaih hnuah hridai in a thlai’aw that.

An khua lal U Zaw Tun cu April 19 zan ah tualsung PDF pawlin an that, cumi hnuah an khua sungah ralhrang pawl an va lut ciamco ih zingzoinak an tuah ih tualsung mi 10 an kai. An kaihmi lakah U Maung Sein Aung ih nupi Daw Kala Ma Sein khal a telve.

April 25 zinglam ah rallhrang pawlin an kaihmi 8 cu an suahsal, U Maung Sein Aung ih nupi khal a telve. Asinan, a sun ah ralhrang pawl cu zuripin Daw Kala Ma Sein cu an va kaisal ih an hringhro ciamco.

Cutin, a sun nazi 12:00 hrawngah U Maung Sein Aung cu an khua kiang tikuang ah ava feh ih hridai thawn a thlai’aw that. Tualsung mi pawlin, “Ralhrang pawlin a nupi cu an suahsal lawk nan an va kaisal, ralhrang pawl cu zu an ri tuk ih an hringhro. A nupi an kaihsal ruangah a thlai’aw that a si ding” a ti.

Be the first to comment

Leave a Reply

Your email address will not be published.


*