Ralhrang In An Bawlung Sit Thiam An Lawrkhawm Mi 12 Cu Doawknak Tualrawn Ah An Thlah Ih An Tlanhlo

Mandalay ih um ralkap bawlung sit thiam an lawrkhawm mi 12 pawl cu doawknak tualrawn ah an thlah ih an tlanhlo. January thla sungah an tlanhlo.

An thuhla theitu pakhat in, “An tlannak hi thlakhat a kim zo, an himnak dingah an thuhla cipciar cu ka rel lo ding. Ralhrang aiawh ih bawlung sit ṭheu an si, doawknak tualrawn ah an feh dah lo ih bawlung sit lawng an zir ṭheu.

Ralkap an si ko nan mi pangai vek an si, camp khalah an um dah lo ih hmun dangdang ah bawlung sit dingin an feh ṭheu. Tu’ahcun hmunhimnak ah an um thluh zo” a ti.

Ramsung a buai hnuah ralhrang pawl hi an mal deuhdeuh ruangah tidai ralkap, tlunlam ralkap le ralkap zung hnaṭuan pawl khal doawknak tualrawn ah an kuat. Ralhrang in ramsung thuneihnak an lak hnuah ralbawi telin ralkap CDM tuahtu hi 2000 lenglo an um ih hmun dangdang ah an tlansuak.

Be the first to comment

Leave a Reply

Your email address will not be published.


*