Ralhrang In An Kaihmi Khuami 8 Le Mipi Kilhimtu Ih Kaihmi 6 An Thlengaw

Sagaing ramkulh, Ayeyarwaddy, Min Ywa Gyi khua kiangah sualnak neilo khuasung mi 8 cu ralhrang pawlin an kai ih kut an thlak ciamco. December 18, 2021 ah ralhrang pawl cu an khuasung ah an va lut ih mipi inn le lo an siatsuah hnuah khuasung mi 8 cu dalan ih heknak ruangah an kai.

An kaihmi pakhat in, “Ralhrang pawlin kan hmaiah in beng, in sit ciamco. Dalan loram sungah in hruai ih hna in áš­uanter” a ti. Dalan in ‘an khua kiangkap ah ralhrang pawl an rat thu hi mipi kilhimtu hnenah an rak sim thei tin a hek ruangah sualnak neilo khuami 8 cu ralhrang in an kai.

Ralhrang pawlin an kaihmi khuami 8 cu hridai in an tawnbet ih khua dangah an hruai, an khua ihsin ralhrang pawl an suah veten tualsung mipi kilhimtu cu an khua sungah an va lut hngal ih dalan le ralhrang lamtang mi 6 cu an kai ve.

An kaihmi pawl cu ralhrang lamtang Pyu Saw Htee member an si ih mipa 5 le nunau 1 an si, Pyu Saw Htee hruaitu ih naupa khal an kai. Cumi hnuah ralhrang thawn minute 30 hrawng an kapaw, an kaihmi pawl cu thlengaw dingin an beaw ih an tawlrel rero hnu December 19, 2021 sun ah an thlengaw fel thei.

Be the first to comment

Leave a Reply

Your email address will not be published.


*