Ralhrang In An Kaihmi Mino 5 Cu An Velhnak Ruangah An Haa A Kiak

Ralhrang pawlin lamzawhnak ih tel nunau 3 le mipa 2 cu an kai ih nasa zetin an hrem ciamco, an velhnak ah an haa hmai khal a kiak. March 13, 2022 ah Yangon, Botahtaung ah lamzawhnak an nei ih ralhrang uknak an duhlo thu an langter.

Cutawk lamzawhnak ih tel kumkim lo nunau pathum an kai. An hmin cu Ma Aye Chan Mon Phyo (kum 16), Aye Myat Thu (kum 16) le Marukiya (kum 14) an si. Ralkap le palik pawl cu hnipuan pangai hruh in an va feh ih lamzawhtu pawl cu an vuak ciamco hnuah an kai.

March 16 ah Yuzana Plaza hmaiah duhphorhnak an tuahsal ih cutawk ah mipa pahnih an kai, an hmin cu Ko Hein Htet Paing (kum 16) le Ko Aung Kaung Myat (kum 22) an si. Ralkap sakhan ah an hruai ih nasa zetin an hrem ciamco, an hmaiah an sit ih phar ah an sawh. An hremnak ah an haa a kiak ih zianghman thei loin an tlu.

Ko Hein Htet Paing ih pa khal an kai lawk nan simlam ah an suahsal. An kaihmi pawl cu an innsang lamin an pehtlaih thei nawn lo ih an nunnak hrang an seherh tuk. An kaihmi mino pahnih Ko Nay Lin Htet (kum 16) le Ma May Lay cu khuitawk hmun ah an hruai ti khal an thei lo, an thi maw an nungdam lai ti khal thei loin an hlo.

Be the first to comment

Leave a Reply

Your email address will not be published.


*