Ralhrang In An Kaihmi Mino Pakhat Cu Khualak Lamzin Ah An Vel Ciamco Ih Thisen In A Khat, Midang Hringhronak Ah An Hmang

Mandalay Division, Taungtha Township, Yone Pin khua ih tlangval kum 21 mi Ko Kyaw Htet Wai cu ralhrang pawlin an kai ih khuasung lamzin ah an vel ciamco. Lamzin pakhat hnu pakhat ah an fehpi vivo ih an sit, an thong phahin kiangkap um mipi pawl cu an hrighro. Ko Kyaw Htet Wai cu mipi lamzawhnak ih hruaitu pakhat a si.

November 21, 2021 zinglam nazi 10:00 hrawngah Ko Kyaw Htet Wai le a rualpa Ko Phyo Wai Kyaw (kum 19) cu ralhrang pawlin an kai, hridai in an tawnbet ih kut an thlak ciamco hnuah sakhan ah an hruai. November 22 zinglam nazi 5:00 hrawngah Ko Kyaw Htet Wai cu an khuasung ah an va hruaisal ih lamzin tluan ah an vel.

A rualpa ih thuhla cu theih a si nawn lo. Tualsung mi pakhat in, “An rualvah in ralhrang pawlin kut an thlak ih an kai. Tuizing ah Ko Phyo Wai Kyaw lawng khuasung lamzin ah an rung hruai, an thong ciamco ih meithal tawko in an sawh. An sit ciamco, a lu ihsin a kezim tiang thlisen in a khat.

A rapthlak tuk, ralhrang pawlin ‘in dodal asilen hivekin nan tuar ve ding, nan zum lo asilen in dodal uh tin kiangkap um mipi pawl an hringhro. Khuasung mipi pawl áš­ih thlaphang dingin an cangvai, cumi hnuah hmundang ah an hruai. A thi maw, a nung ti khal kan thei hrih lo” a ti.

Tuizing November 23 zinglam ah ralhrang 100 hrawng cu motor 5 in an khua sungah an va lutsal ih inn 10 an siatsuah, an thilri bungrua pawl an laksak hnuah an tlansal.

Be the first to comment

Leave a Reply

Your email address will not be published.


*