Ralhrang In An Pu A Kap That Hnuah Meithal Thawn A Tlansuak

Rakhine State, Kyaukpyu peng, Kyaukpyu palik sakhan sungah kahawknak a thleng. July 29, 2022 zan nazi 10:00 hrawngah palik pakhat in an pu palik bawi a kap that hnuah meithal thawn a tlansuak ih an hawl rero lai.

Hmin tarlang rem lo palik pakhat in, “Palik Soe Lin Aung in palik bawi Ohn Kyaw Htay a kap that ih meithal thawn a tlansuak” a ti.

Palik bawi Ohn Kyaw Htay hi a hlan ahcun Township office ah hnaṭuan in aum, cutawk ihsin Kyaukpyu palik sakhan ah an thawn. Ohn Kyaw Htay ih ruak cu Kyaukpyu siizung ah an phur ih mi kap thattu palik cu thubuai tuahsak in an hawl rero lai.

Kyaukpyu ramsung ah palik in an pu a kap that ih meithal thawn a tlanhlo cu a veikhatnak thilthleng a si. Tualsung mi pakhat in, “Zan nazi 10:30 hrawngah Kyaukpyu palik sakhan sungah meithal awn vei 5 kan thei.

Ahmaisa ahcun palik Soe Lin Aung le a hnaṭuanpi palik Ran Naing hi ṭongkam an el’aw ih an sual aw ciamco. Palik bawi Ohn Kyaw Htay in ava ṭhennak ah Soe Lin Aung in a kap that, cumi hnuah a sual mi Ran Naing khal a kap. An buainak cu ka thei lo, Soe Lin Aung cu meithal thawn a tlanhlo ih tutiang an kai ngah hrih lo” a ti.

Be the first to comment

Leave a Reply

Your email address will not be published.


*