Ralhrang In Anmah Tantu Innsang Pakhat Ihsin Mi Pakhat Ciar Doawknak Tualrawn Ah Nan Poksuak Ding Tin Thu An Pe

Mon ramsung ah ralhrang pawlin anmah tantu innsang, Pyu Saw Htee innsang le ralkap ṭuan zo innsang pawl cu innsang pakhat ah mi pakhat ciar doawknak tualrawn ah nan poksuak ding tin thu khirhkhan zet an pe. Tualsung hriamkai le PDF pawl thawn an doawknak ah ralhrang thi an tamtuk zo ruangah an daihaw nawn lo ih anmah tantu innsang hnen ihsin raldotu ding mi an kosuak tum.

November zarhhnih sungah doawknak tualrawn ih poksuaktu ding pawl ih hmin cazin nan ra pe ding an ti nan tutiang ah minung 10 lawngin hmin an peaw. Curuangah ralhrang pawlin lo theih loin innsang pakhat ah mi pakhat ciar nan poksuak tengteng ding tin thu an pe.

Ralkap pension zo pakhat in, “Doawknak tualrawn ih poksuaktu ding hmin petu cu minung 10 lawng an si lai. Kan theih cing ahcun kanmah vek ralkap ṭuan zo innsang hnen ihsin an beisei a sang cuang, innsang pakhat ah mi pakhat cu lo theih loin nan poksuak ding tin in ra fial” a ti.

Doawknak tualrawn ih poksuaktu pawl cu thlahlawh an pe hngal dingih an tlun tikah innhmun le umnak ding tatkhan pakhat ciar an pe ding thu an tiamkam. Asinan doawknak tualrawn ah ralhrang thi an tam thei tuk zo ruangah hmin pe duh cu an um mumal lo tin kiangkap um mipi pawlin media hnenah an sim thei.

Be the first to comment

Leave a Reply

Your email address will not be published.


*