Kalay peng, Sithar khua kiangah ralhrang pawlin CNDF miralṭha pakhat an kai ih rapthlak zetin an that. March 14 ah an kai ih March 18 ah a ruak hi an hmu.
CNDF thuphuangtu in, “Umhmun khuarnak thlengawknak kan tuah laiah uico ralhrang pawlin an rak kai. A ruak hi rim a nei zo ruangah an kaih veten an that hngal a si thei, asilolen a thaisun ah an that a si ding” a ti.
An thahmi CNDF miralṭha cu kum 40 mi Pu Ngun Hrin Hmung a si ih sakhan ah rawlsuangtu le ralkap pawl kilkhawitu a si. Nikum ah rinlopin a nupi in arak thihsan, a fanu kum 9 mi cu a pi hnenah a ret ih amah cu tualsung mipi humhimtu ah a lut. March 17 sun, Rihkhawdar kahawknak khalah CNDF miralṭha Salai Lal Ro Pui ih nunnak a liam.
Leave a Reply