Ralhrang In Dawei Ramsung Ah Hmatpungtin Keng Loin Vahsuah An Siang Lo

Ralhrang in Taninthayi, Dawei ramsung ah hmatpungtin keng loin vahsuah an siang nawn lo, hmatpungtin an keng lo asilen thuhla a phunphun an sut ih an tlunter sal.

Tualsung mipi pawlin ‘March thla zarh hmaisabik ihsin hmatpungtin an check. Ralhrang pawlin hmatpungtin keng lo cu vahsuah an siang lo ruangah buainak phunphun kan ton, siikhan ih piahaw tum damlo pawl khal hmatpungtin an rak sut ruangah kan dil rero hnu lawngah siikhan feh an siang” a ti.

Ralbawi in, ‘April 1 ihsin hmatpungtin keng lo pawl cu vahsuah a ngah nawn lo ding. Hmatpungtin aiah khualtlawn siannak/theihpinak ca tivek kan cohlang nawn lo ding” a ti.

Ramkhel mithiam pawlin ralhrang pawlin hmatpungtin keng lo ih vahsuah an siang nawnlonak a san cu dothlennak ih tel pawl an zingzoi duh ruangah a si ding. Mipi pawl an ukbet duh ruang khalah a si thei’ an ti.

Be the first to comment

Leave a Reply

Your email address will not be published.


*