Ralhrang In, “Dollar Tampi Kan Khawl Zo Ruangah Sri Lanka Ram Vek Kan Si Lo Ding” A Ti

Myanmar ralhrang pawl aiawh ih thuphuangtu Zaw Min Tun in, “Dollar tampi kan khawl zo ruangah Sri Lanka ram vek kan si lo ding” a ti. Tulai Myanmar ram dinhmun cu Sri Lanka ram vek a si leh ding tin mi tampi in an rel.

Sri Lanka ram hi an sumdawngnak a tlasia, Covid-19 hnuah an tlasia deuhdeuh. Mipi pawl an harsa tuk ruangah lamzawhnak an nei ih an president innpi an va lutcilh. An president cu Singapore ram ah a tlan ih July 14, 2022 ah a hnaṭuannak ihsin a ban. Media ṭhenkhat in Zaw Min Tun hnenah thu an sut.

Zaw Min Tun in, “Myanmar le Sri Lanka ram hi a bang aw thei lo. Thilṭul poimawh caan ih hman ding dollar tampi kan khawl cia zo. Kan khawlmi sumpai zat cu ka rel thei lo nan a tawkfang thawkhat, hramthoknak ding cu aum zo” a ti.

Ralhrang in ramsung thuneihnak an lak hnuah ramsung sumdawngnak a tlasia deuhdeuh, Southeast Asia ram 11 lakah Myanmar ram cu farah bik dinhmun ah aum zo.

Be the first to comment

Leave a Reply

Your email address will not be published.


*