Ralhrang pawlin Chin State, Hakha dawr pawl ah CCTV ret dingin an fial ih July 31, 2022 hlanah ret thluh dingin an fial thu July 26 ah theihternak an suah.
An cangan dan cu: “Myanmar ramsung buainak cu suamhmang pawlin caanṭha ah an hmang, khawpi ṭhenkhat ih thil mankhong zuarnak dawr ah damiah ṭaihnak a thleng, rukru in dawr an bauh ruangah Hakha dawr neitu pawlin humhim awknak ah nangmai sumpai hmang in CCTV ret cio uh.
Nan dawr le nan hnaṭuantu pawl kilhimnak ah nangmai sumpai hmang in CCTV ret uh, July 31 hlanah ret uhla a zuk thawn zung ah in ra theihter uh. Dawr neitu pawlin CCTV retnak ah le a phurnak ah harsatnak nan nei asilen zung ah in ra sim thei uhla a ṭuldan in bawmnak kan tawlrel ding” a ti.
2021 kum ah Hakha khuasung ah lamzawhnak an rak neih lai ahkhan ralhrang pawlin lamzin kap ih um CCTV pawl an rak laksak zo ih tu’ah retsal dingin an fial. Myanmar ramsung buainak ah khua dangdang ah suamhmang pawl an cangvai nan Chin ramsung ahcun suamhmang pawl cangvaihnak aum hrih lo.
Leave a Reply