Ralhrang In Kalaymyo Ah PDF Lawmlutnak An Neih Thu An Tarlang

Ralhrang pawlin tuisun June 22, 2022 ah mipi ralkap PDF ihsin ralhrang hnenih kirsal pawl lawmlutnak an neih thu an tarlang. Kalaymyo, Aung San Hall ah lawmlutnak an nei ih palik bawi, ralkap bawi pawlin an telpi. Ralhrang hnenih kirsal PDF le an nulepa pawl khal an tel.

Ralbawipi in nunsimnak le forhfialnak an nei ih PDF pawl cu an nulepa hnenah an ap thu pawl an tarlang. Ralhrang hnenih kirsal pakhat in lungawithu simnak anei ih ralhrang hnenah an kirsal ti theihternak ah ID card an pe, laksawng pawl khal an pe tin an tarlang.

June 13, 2022 khalah Magway, Ngape khua ah PDF 9 cu ralhrang hnenah an ra kirsal tin lawmlutnak an neih thu an tarlang. Ralbawi in nunsimnak le forhfialnak a neih hnuah sumpai tingkhat ciar laksawng an pek thu pawl an pholang.

Asinan, tualsung mipi ralkap People Revolution Alliance -Magway hotu in, “Ralhrang pawl ih an pholang mi (9) cu kan kuthnuai ih um an si lo. PDF an si lo, bumawknak a si. Ralhrang pawlin mipi thinlung buaiter an tum ruangah PDF silo cu PDF tin an tarlang, hmuhthiam awklonak suak dingin an tuah” a ti.

Be the first to comment

Leave a Reply

Your email address will not be published.


*