Ralhrang In Kalaymyo Peng, Natchaung Khua Cu Helicopter In An Kap Ciamco Hnuah An Khawpum In An Urkang

Kalaymyo peng, Natchaung khua cu ralhrang pawlin December 23, 2021 sun ah doawknak helicopter in an kap ciamco, bomb khal an thlak. Cumi hnu simlam nazi 5:00 luan ah an khua sungah ralhrang pawl an va lut ciamco ih an khawpum in an urkang.

Tualsung mi in, “Kan khua ah ralhrang pawl an va lut ciamco ih khawsen in an urkang. Tu rori ah, inn pawl khal a kang rero lai” a ti. Kalay-Gangaw lamzin parih um Natchaung khua kiangkap ah tualsung mipi kilhimtu le ralhrang pawl an doaw rero ih tuisun ahcun ralhrang pawlin doawknak helicopter picang Mi35p in an kap.

Tualsung mi pakhat in, “Natchaung khua sungih tang khal an um, an zaten an kap ngah thluh. Phungyi tlawnginn khal an kap, mithi hliamtuar umzat cu kan thei hrih lo.

Mipi kilhimtu thawn an doawknak ah ralhrang lam sniper kaptu pakhat an kap that, cumi hnu ihsin ralhrang pawlin doawknak helicopter in khuasung an kap ciamco ih mipi khal an kap ngah” a ti. Kalay-Gangaw lamzin kiangkap ah PDF Kalay၊ CNDF tangtlang in ralhrang pawl thawn nasa zetin an kapaw, mithi le hliamtuar umzat cazin cu theih a si hrih lo.

Be the first to comment

Leave a Reply

Your email address will not be published.


*