Ralhrang In ‘Kanpetlet Raltlan Pawl Nan Ra Kirsal Lo Asilen Nan Inn Kan Lo Lonsak Ding’ Tin An Hringhro

January 1, 2022 ah ralhrang in Kanpetlet raltlan pawl cu thla 2 sungah nan ra kirsal lo asilen nan inn kan lo lonsak ding an ti thu tualsung mipi pawlin an rel.

Kanpetlet ramsung ah ralhrang le tualsung mipi kilhimtu CDF-Kanpetlet pawl an doawk ṭheu ruangah khuasung mipi pawl cu sahimnak hawlin hmun dangdang ah an tlan, an relh. Kanpetlet ramsung ah inn 1,500 lenglo aum nan innsang 20 hrawng lawng khuasung ah an tang.

Tualsung mi pakhat in, “Himi thuthang cu a dik ko, asinan ahmat (2) vengsung lawngah an rel. Ahmat (1) vengsung ahcun hivek thu an phuang lai kan thei lo, inn cu an lon asikhallen innsung ah zianghman aum nawn lo. Inntek pawl ih thiar thei lomi thilri bungrua pawl cu ralhrang pawlin an rak ru thluh zo, innsung ah zianghman aum nawn lo” a ti.

Aliamcia thla 5 hrawng ihsin Kanpetlet mipi pawl cu hmunrawn lamah sahimnak hawlin an rak tlan rero zo. Kanpetlet ramsung doawknak ah bomb le pukpi tla puak ruangah biakinn le inn tampi a siatsuah.

Be the first to comment

Leave a Reply

Your email address will not be published.


*