Ralhrang In Mino 6 An Kai Ih An Vel Hnuah, “Dothlennak Ah Nehnak Kan Co Lo Ding” Tin Hla An Sakter

2022 kumthar hmuah zan ah Myanmar mino pawl cu “Happy New Year” aiah “Zalennak Kan Ngah Ding, Dothlennak Ah Nehnak Kan Co Ding” tin an au cece.

December 31, 2021 zanṭim laiah Sagaing ramkulh, Myo Pwe khua ih veng pahnih cu ralhrang pawlin an va nuai ciamco ih vengsung ih um mino 6 cu ralthuam pawl thawn an kai thu ralhrang pawlin an phuang.

Ralhrang thusutnak hmunpi ah an hruai ih kut an thlak ciamco, an hmai khal a thling thluh. Cun video in an zuk ih “Dothlennak ah nehnak kan co lo ding, dothlennak hi duai hram seh” tin hla an sakter.

A thaizing ah an kaihmi mino 6 cu hridai in an tawnbet ih khuasung ah an hruaikual vivo, anmah thawn pehtlaihaw mi pawl umnak inn an khihhmuhter thu vengsung mipi pawlin media hnenah an sim thei.

Be the first to comment

Leave a Reply

Your email address will not be published.


*