Ralhrang In Mipi An Thatnak Hmun Takah Ralbawi Motor A Let Ih Mi 4 An Thi

Magway ramkulh, Aung Lan khua, Tayaw Kone vengsung ih thilthleng hi a mak in a danglam zet. Himi lamzin ah ralhrang pawlin daiten lamzawhtu pawl an rak kap that ciamco zo, cumi hnuah himi lamzin ah ralbawi motor to mi a let ih mi 4 an thi.

January 11, 2022 zan nazi 11:00 hrawngah ralbawi le a innsang member 6 cu motor thawn an phuraw ih Tayaw Kone veng sungah an va lut. Ralhrang in lamzawhtu pawl an kah thatnak hmun an thleng zawn ah an motor cu lamzin kap ah a let ih motor sungih um mi 4 cu a hmun ah an thi, ralbawi khal a thi.

Tualsung mi pakhat in, “January 11 zan nazi 11:00 hrawngah ralbawi le a innsang member 6 cu Insight motor thawn an tlan ih Aung Lan Police Station kiangah an motor cu lamzin thlanglam ah an liamtla ih thingkung an va pah ngah. Ralbawi telin mi 4 cu a hmun ah an thi, midang 2 ih dinhmun khal a se tuk ih an damkhuasuak ding zum aum lo.

Thilmak zet cu accident an tonnak hmun hi ralhrang in lamzawhtu pawl an rak that ciamconak hmun a si. Kiangkap um į¹­henkhat in motor mawngtu in lamzin ah thilhmuh anei ih a kiannak ah an cangsual an ti. Vengsung mipi pawlin diklo zet ih an thatmi pawl cu dothlennak ah an ra telsal an ti rero” tin media hnenah a sim thei.

Be the first to comment

Leave a Reply

Your email address will not be published.


*